१४ कार्तिक, सुर्खेत । कर्णाली याक्सले पहिलो संस्करणको नेपाल प्रिमियर लिग(एनपिएल) का लागि हङकङका क्रिकेटर बाबर हायातलाई अनुबन्ध गरेको छ ।
कर्णालीले दोस्रो विदेशी खेलाडीको रुपमा बाबरलाई टोलीमा अनुबन्ध गरेको याक्सले बुधवार सामाजिक संजाल मार्फत जनाएको छ । पहिलो विदेशी खेलाडीका रुपमा याक्सले पाकिस्तानका अलराउन्डर हुसैन तलातलाई टोलीमा अनुबन्ध गरेको थियो ।
ज्ञानेन्द्र मल्ल प्रशिक्षक रहेको कर्णाली याक्सको मार्की खेलाडीमा राष्ट्रिय टिमका अलराउन्डर सोमपाल कामी छन् ।
३२ बर्षिय बाबरले हङकङका लागि २२ ओडिआई तथा ७९ टि ट्वान्टी आईमा २ हजार ६ सय ९४ रन बनाएका छन् । उनले सन् २०१४ मा नेपालविरुद्ध खेल्दै टि ट्वान्टी आईमा डेब्यु गरेका थिए ।
बाबरले यसअघि नेपालमा भएका सबै फ्रेन्चाइज लिगको अनुभव लिईसकेका छन् ।
कर्णाली याक्सको टोली
सोमपाल कामी, गुलशन झा, देव खनाल, नन्दन यावद, अर्जुन घर्ती, रित गौतम, मौसम ढकाल, भुवन कार्की, दीपेन्द्र रावत, युनिशविक्रम सिंह ठकुरी, दीपक डुम्रे, हुसैन तलात र बाबर हायात
